ඔසප් වීම යනු ස්ත්‍රී ප්‍රජනක පද්ධතියක් ඇති පුද්ගලයින් තුළ සිදුවන ස්වභාවික හා අත්‍යවශ්‍ය ක්‍රියාවලියක්. ශ්‍රී ලංකාවේ ජනගහනයෙන් 52% ක් කාන්තාවන් වන අතර. දළ වශයෙන් කාන්තාවන් මිලියන 5.7 ක් ඔසප් වීම අත්විදිනවා.

කෙනෙකුගේ පළමු ඔසප් වීම ශ්‍රී ලංකාව තුළ සැලකිය යුතු සංස්කෘතික වැදගත්කමක් දරන අතර, එහිදී දෙමාපියන් බොහෝ විට සැමරුම් උත්සවයක් සංවිධානය කරනවා. එහිදී සිදු කරන විවිධ සිරිත් විරිත් රාශියක් තිබෙනවා. මේ සිරිත් විරිත් සියල්ලම විද්‍යාව මත පදනම් වන්නේ නැහැ. අපගේ සිරිත් විරිත් අගය කරන අතරම, ඒවා සිරිත් විරිත් ලෙස පමණක් හඳුනාගැනීම වැදගත් වනවා.

ඔසප් චක්‍රය සාමාන්‍යයෙන් දින 28ක් පමණ පවතින අතර එය පුද්ගලයාගෙන් පුද්ගලයාට වෙනස් විය හැකියි. ඇතැම් අයට ඔසප් චක්‍රය දින 21ක් වැනි සුළු කාලයක්ද ඇතැම් අයට දින 35ක් වැනි දිගු කාලයක්ද පැවැතිය හැකියි. ඔසප් චක්‍රය ක්‍රියාත්මක වන්නේ ඊස්ටජන් සහ ප්‍රොජෙස්ටරෝන් යන හෝමෝන වල බලපෑමෙන්. මෙම හෝමෝන මගින් ඉදිරි ගැබ් ගැනීමක් සඳහා ගර්භාෂ බිත්තිය (එන්ඩොමෙට්‍රියම) වර්ධනය කරන අතර. ගැබ් ගැනීමක් සිදු නොවූ විට, එන්ඩොමෙට්‍රියම් පටක ගර්භාෂයෙන් ගැලවී, එය ගැලවීමේදී වෑහෙන රුධිරයත් සමග ශරීරයෙන් ඉවත් වනවා.

ඔසප් රුධිරය ලෙස වහනය වන්නේ මෙයයි. එය ආසන්න වශයෙන් දින 2-7 ක් පවතින්න පුළුවන්. ඔසප් රුධිරයේ වර්ණය හා ස්වභාවය පුද්ගලයාගෙන් පුද්ගලයාට වෙනස් විය හැකියි.

ඔසප් වීම ජීවිතයේ ස්වාභාවික අංගයක් වන අතර, ඒ පිළිබඳ අධ්‍යාපනය අප සියළු දෙනාටම ලැබිය යුතුයි. ඔසප් චක්‍රය සහ හෝර්මෝනවල ක්‍රියාකාරීත්වය හොදින් තේරුම් ගැනීමෙන් අපට ඔසප් කාලය ඵලදායී ලෙස කළමනාකරණය කර ගැනීමට හැකිවෙනවා.

පුද්ගලික සනීපාරක්ෂාව

ඔබගේ ඔසප් කාලසීමාව තුළ නිතිපතා පුද්ගලික සනීපාරක්ෂාව පවත්වා ගැනීම අත්‍යවශ්‍ය වේ. ඔබේ ඔසප් නිෂ්පාදන නිතිපතා මාරු කිරීම (සාමාන්‍යයෙන් සෑම පැය 4-6කට වරක්), ඔසප් නිෂ්පාදන ඇල්ලීමට පෙර සහ පසු ඔබේ අත් සේදීම සහ මෘදු සබන් හා ජලය සමඟ ඔබේ ලිංගික ප්‍රදේශය මෘදු ලෙස පිරිසිදු කිරීම ආදිය මෙයට ඇතුළත් වනවා. ඔබේ ඔසප් නිෂ්පාදනය පැළඳිය හැකි පැය ගණන නිෂ්පාදනයේ වර්ගය, ඔබේ ඔසප් රුධිරයේ ප්‍රමාණය, ඔසප් වීමේ දිනය ආදිය මත රඳා පවතී.

ඔසප් නිෂ්පාදන

විවිධ මනාප සහ අවශ්‍යතා සඳහා විවිධ ඔසප් නිෂ්පාදන තිබේ

සනීපාරක්ෂක තුවා

යට ඇඳුම්වලට අලවන, තෙතමනය අවශෝෂක ද්‍රව්‍ය සහිත ඉවත දැමිය හැකි කුඩා තුවා.

ඔසප් සනීපාරක්ෂාව සහ ඔසප් නිෂ්පාදන

ඔසප් වීමේදී නිසි සනීපාරක්ෂාව පවත්වා ගැනීම ඔසප් වීම සිදුවන අයගේ ශාරීරික හා චිත්තවේගීය යහපැවැත්ම සඳහා ඉතා වැදගත් වේ. ඒ සම්බන්ධයෙන් සලකා බැලිය යුතු ප්‍රධාන කරුණු කිහිපයක් මෙන්න: