යෝනි විවිරය

යෝනි ප්‍රදේශයේ මැදින් හිලක් ආකාරයෙන් යෝනි විවරය පිහිටා තිබෙනවා. ඔසප් රුධිරය බැහැර වන්නේ යෝනි විවරයෙන්.

ලිංගික හැසිරීමකදී යෝනි විවරයෙන් ශිෂ්ණයක් හෝ බාහිර යමක් ඇතුළු කිරීමෙන් තෘප්තියක් ලබා ගත හැකි අතර, ශිෂ්ණය ඇතුළු කර ශුක්‍රාණු බැහැරවීමක් සිදු වුවහොත් ගැබ් ගැනීමක් සිදුවීමට අවස්ථාව තිබෙනවා.

පැලෝපියන් නාලය

ඩිම්භකෝෂයේ සිට ගර්භාෂය දක්වා ඩිම්භ ගමන් කරන්නේ පැලෝපීය නාලය දිගේය.

ඩිම්භකෝෂ

ස්ත්‍රී ලිංගික හෝමෝන වන ඊස්ට්‍රජන් හා ප්‍රොජෙස්ටරෝන් නිකුත් කරන්නේ ඩිම්භකෝෂ මගිනි. ඩිම්භ හෙවත් ස්ත්‍රී ප්‍රජනක බීජ මෝරන තුරු තැන්පත්ව තිබෙන්නේද ඩිමිභකෝෂ තුළයි.

කන්‍යාපටලය

යෝනි විවරය අඩක් හෝ අඩු වැඩි වශයෙන් වසා පිහිටා ඇති ඉතා තුනී පටලයකි. කන්‍යාපටලය විවිධ හැඩ වලින් පිහිටන අතර ඇතැම් කාන්තාවන් කන්‍යාපටලය නොමැතිවද උපදී. කන්‍යාපටලය කිසිදු ආකාරයකින් ලිංගික හා ප්‍රජනන ජීවිතයට බලපාන්නේ නැත.

ගර්භාෂය

මාංෂපේෂීන් වලින් සැකසුණු කුහරයක් වැනි අවයවයකි. ගැබ් ගැනීමකදී කළලය වර්ධනය වන්නේ ගර්භාෂයේය.

ගර්භාෂ බිත්තිය (එන්ඩොමෙට්‍රියම)

ගර්භාෂයේ ඇතුලතින් පිහිටා ඇති පටලය එන්ඩොමෙට්‍රියම ලෙස හැදින්වේ. ගැබ් ගැනීමකදී දරු ගැබ දරා සිටීමට හැකි වන සේ මෙම පටලය ඝණ වන අතර ගැබ් ගැනීමක් සිදු නොවූ අවස්ථාවක එන්ඩොමෙට්‍රියමේ මතුපිට පටලය ගැලවී ඔසප් වීම ලෙස යෝනි මාර්ගයෙන් පිට වී යයි.

ගැබ්ගෙල

ගර්භාෂයේ පහල කොටස සකස් වී ඇති පටු කුහරයක්/ විවරයක් වැනි කොටසකි. යෝනි මාර්ගය හා ගර්භාෂය අතර පිහිටා ඇත.

යෝනි මාර්ගය

මස් පිඩු වලින් සකස් වි ඇති කුහරමය අවයවයකි. ගර්භාෂය ශරීරයෙන් බැහැරට සම්බන්ධ කරන්නේ යෝනි මාර්ගයයි.

භගමනිය

බාහිරව පිහිටා ඇති කොටස් අතරින් ඉහළින් පිහිටා ඇත්තේ භගමනියයි.
එය මහා යෝනි තෝල් අතරින් මෘදු ඇටයක් ලෙස එළියට මතු වී තිබෙනවා. භගමනිය පහත රූපයේ දැක්වෙන ආකාරයට ඇඟ ඇතුළතින් උකුළ දෙසට සහ පහලට පිහිටා තිබෙනවා. ලිංගික උත්තේජනයකදී භගමනියට වේගයෙන් රුධිරය ගලා එන අතර එය උත්තේජනය කිරීමෙන් ස්ත්‍රියට ලිංගික තෘප්තියක් ලබා ගැනීමට පුළුවන්.

යෝනි තොල්

යෝනි විවරය වටේට පිහිවා ඇති තොල් වැනි කොටස හදුන්වන්නේ මහා යෝනි තොල් සහ කුඩා යෝනි තොල් යනුවෙන්. යෝනි විවරයට කිට්ටුවෙන් ඇති කොටස සුළුයෝනි තොල් සහ පිටත කොටස මහා යෝනි තොල් ලෙස හදුන්වනවා.

ඒ අතර තෙත ගතියක් තිබීම ස්වභාවිකයි. කැසීමක් හෝ දැවිල්ලක් තිබෙනවානම් වෛද්‍යවරයෙකුට එය පෙන්වීම වැදගත් වනවා.

ගැහැණු ළමුන්ගේ සාමාන්‍යයෙන් අවුරුදු 10 ත් 16ත් අතර කාලය තුළ ගැහැණු ළමයි ගේ ඔසප් වීම අරම්භ වනවා. සෑම ගැහැණු ළමයෙක්ම වැඩිවිය පත් වන්නේ ඔවුන්ටම ආවේණික ආකාරයකට වන අතර ඒ සදහා ගතවන කාලයද ගැහැණු ළමයාගෙන් ගැහැණු ළමයාට වෙනස් වේ.

ඔසප් වීම ගැහැණු ළමයෙකුගේ ජීවිතයේ ස්වභාවික සාමාන්‍ය සිදුවීමකි.

වෘෂණය

ශුක්‍රාණු නිපදවන්නේ වෘෂණ තුළයි.

වෘෂණ කෝෂ

ශරීරයෙන් පිටත වෘෂණ තැබීම සදහා පිහිටා ඇත.

ශිෂ්ණනය

ශුක්‍රාණු ශරීරයෙන් බැහැර වන්නේ ශිෂ්ණය හරහායි.

පුරස්ථ ග්‍රන්ථීය

ශුක්‍රවල පෝෂණයට සහ පිහිනා යාමට අවශ්‍ය ස්‍රාව නිපදවීම සිදු කරයි.

පෙර සම

ශිෂ්ණයේ ඉහල කොටස හෙවත් ශිෂ්ණ මුණ්ඩය වසා පිහිටා ඇති සම කොටසකි.

පිරිමි ළමුන් වැඩිවියට පැමිණීමේදී ප්‍රජනන අවයව වර්ධනය වේ. පිරිමි ළමුන්ගේ, පළමුව වෘෂණකෝෂ සහ දෙවැනුව ශිෂ්ණය විශාල වන අතර ක්‍රියාකාරිත්වයේද වෙනසක් සිදු වනවා. වෘෂණ කෝෂ වල පුරුෂ ප්‍රජනන සෛල වන ශුක්‍රාණු නිපදවීම ආරම්භ වන අතර ශිෂ්ණය දිගේ ශුක්‍ර තරලය සමග එක් වී පිටවීම ආරම්භ වන්නේද මේ කාලයේදීය.