ගර්භණී කාලය තුළ කාන්තාවන් බහුලව මුහුණ දෙන සංකූලතා කිහිපයක් පහතින් දැක්වෙනවා.

අධික රුධිර පීඩනය

අධික රුධිර පීඩනය ඇති වන්නේ හදවතේ සිට අවයව වලට රැධිරය ගෙන අය නාල සංකෝචනය වීම වැනි හේතු නිසා ප්රතිරෝධය වැඩි වූ විටයි. මේ නිසා රුධිර නාල තුළ ඇති වන පීඩනය වැඩි වනවා.

ගර්භණීකාලය තුළ අධික රුධිර පීඩනය ඇති වුණොත් ඉන්, කළලය පෝෂණය කරන වැදෑමහ වෙත ඇති රැධිර සැපයුම අඩු වීමට පුළවන්. කළයට ඇති රුධිර සැපයුම අඩු වූ විට කළලයේ වැඩීම බාල වීමට ඉඩ තිබෙන අතර, මවගේ සෞඛ්‍යයටද බලපෑමක් එක්ක වීමට ඉඩ තිබෙනවා.

දියවැඩියාව

ගැබ් ගැනීමට පෙර දියවැඩියාව නොතිබූ කාන්තාවන්ට ගර්භණී කාලය තුළ ඇති වන දියවැඩියා තත්ත්වය ඇති වීමට පුළුවන්.
ගර්භණීකාලයේදී ඇති වන හෝමෝන වෙනස්කම් නිසා ශරීඍයේ නිපදවෙන ඉන්සියුලින් වල ප්‍රමාණය අඩු වීමට ඉඩ තිබෙනවා. අප ලබා ගන්නා ආහාර වලින් ලැබෙන ග්ලූකෝස් රැධියේ සිට ශරීරයේ සෛල දක්වා ගෙන යාම සිදු කරන්නේ මෙම ඉන්සියුලින් නැමති හෝමෝනය මගින්.ඉන්සියුලින් නිෂ්පාදනය අඩු වූ විට රැධිරයේ ඇති ග්කෝස් ප්‍රමාණවත් පරිදි රැධිරයෙන් ඉවත් වන්නේ නැහැ. රැධිරයේ වැඩි ග්ලූකෝස් ප්‍රමාණයක් පැවතීම දියවැඩියාව ලෙස හදුන්වනවා.

ආසාදන
ගර්භණී කාලයේදී ලිංගිකව සම්ප්‍රේෂණය වන ආසාදන ඇතුළු විවිධ ආසාදන ඇති වීමට ඉඩ තිබෙනවා. ඇතැම් ආසාන මගින් ගර්භණී කාලයේදී මෙන්ම ප්‍රසූතියේදීද විවිධ සංකූලතා ඇති කරනවා.

ගර්භණී කාලෙය්දී ඇති වන ආසාදන මගින් බරපලත සංකූලතා ඇති වීමට පුළුවන්. උදාහරණ -
* ගර්භණීභාවය අහිමි වීම/ ස්වභාවික ගබ්සා සිදුවීම
* කල් පිරීමට පෙර ප්‍රසූතිය සිදු වීම
* බර අඩු උපත්
* අන්ධ බව, බිහිරි බව වැනි ආබාධිත තත්ත්වයන් සහිත උපත් සිදුවීම
* මළදරු උපත් සිදු වීම

ගැබ් ගැනීමක් සදහා සූදානම වන කාන්තාවන් මේ ආසාදන සදහා පරීක්ෂණ වල යොමු වූම වැදගත්. පැපොල සහ රැබෙල්ලා වැනි ආසාදන වලක්වා ගැනීමට ගැබ් ගැනීමට මාස 3කට පෙර නිවරණ එන්නත් ලබා ගැනීමට පුළුවන්.
එච්අයිවී හෝ සිපිලිස් ආසාදනයක් තිබෙනවානම්, එය මවගෙන් දරුවාට සම්ප්‍රේෂණය නොවීමට ඔෟෂධ ලබා ගැනීමට පුළුවන්.

ස්වභාවිකව ගර්භණීභාවය අවසන් වීම / ස්වභාවික ගබ්සා (Miscarriage)

ගැබ් ගෙන සති 20කට ෙපර ස්වභාවිකවම ගර්භණීභාවය අවසන් වීම Miscarriage ලෙස හදුන්වනවා. යෝනි මාර්ගයෙන් රුධිරය පිට වීම, බඩේ කැක්කුම, යෝනි ශ්‍රාවය වැනි දියරයක් පිට වීම වැනි ලක්ෂණ මෙහිදී අත්දැකීමට ඉඩ තිබෙනවා.

යෝනි මාර්ගයෙන් රුධිරය පිට වීම, සෑම විටකම Miscarriage එකක ලක්ෂණයක් නොවෙයි. නමුත් එවැනි ලක්ෂණයක් තිබෙනවානම් වහාම රජයේ ප්‍රසව හා නාරිවේද සායනකයකින් උපදෙස් සහ ප්‍රතිකාර ලබා ගන්න.

බහිෂිකේතනක ගැබ් ගැනීමක් යනු කුමක්ද? (Ectopic Pregnancy)

එක්ටොපික් ගැබ් ගැනීමක් යනුවෙන් අදහස් වන්නේ ගර්භාෂයෙන් පිටත ගැබ වර්ධනය වීමයි. සාමාන්‍යයෙන් එවැනි ගැබ් ගැනීමක් සිදු වන්නේ පැලෝපීය නාලය තුළයි. එක්ටොපික් ගැබ්ගැනීමක් තරමක් දුර්ලභ වුවත් ඉන් බරපතල සංකූලතා ඇති විය හැකියි. මේ තත්ත්වය අල්ට්‍රා සවුන්ඩ් ස්කෑන් පරීක්ෂණයකින් හදුනා ගැනීමට පුළුවන්.