ගැබ් ගැනීමක් සැළසුම් කරන්නේ කෙසේද?

ගැබ් ගැනීමක් සහ දරුවවෙතු ලැබීම ජීවිතයේ ඉතාමත් තීරණාත්මක සිදුවීමක්.

ඒ සදහා ශාරීරිකව මෙන්ම මානසිකවත් පරිණත බවක් ලබා තිබිය යුතුයි.ගර්භණී කාලය පමණක් නොව දරුවෙකු ලැබීමෙන් පසුව දරුවා රැක බලා ගැනීමථ අධ්‍යාපනය ලබා දීම වැනි අතිශය භාරදූර වගකීම් රැසක් දෙමව්පියන්ට හිමි වනවා. ඒ වගකීම් දරුවා ස්වාධීන වැඩිහිටියකු වන තුරු ඉටු කිරීමට ඔබට ශාරීරික, මානසික,ආර්ථික සහ සමාජීය හැකියාව ඇත්දැයි සිතා බලා ගැබ් ගැනීම් සැළසුම් කිරීම වැදගත්.

ගැබ් ගැනීමක් සදහා සූදානම් වීමට පූර්ව ගර්භණී උපදේශන ලබා ගැනීම

ඔබේ ප්‍රදේශයේ පවුල් සෞඛ්‍ය සේවා නිලධාරීනිය (Public Health Midwife) හමු වී ගැබ් ගැනීම පිළිබද සාකච්ඡා කරන්න. ඔබේ විවාහය ලියාපදින්චි කිරීමේදී මෙම සේවාවන් පිලිබද විස්තර පත්‍රිකාවක් විවාහ රෙජිස්ට්‍රාර් විසින් ලබාදෙනවා. ඒ අනුව ඔබේ සෞඛ්ය වඉයිද්ය කාර්යලය මගින් පවත්වන නව දිවි සුව සායනයට සහභාගි වෙන්න පුලුවන්. ගැබ් ගැනීමට බලාපොරොත්තු වන ස්ත්‍රියගේ සමස්ථ සෞඛ්‍යය තත්ත්වය සහ ගැබ් ගැනීමකට සුදුසු සෞඛ්‍යය තත්ත්වයක සිටිනවාදැයි දැන ගැනීමට මේ සාකච්ඡාව සහය වනවා.එමෙන්ම, ගර්භණී කාලියේදී ඇති විය හැකි සෞඛ්‍යය තත්ත්වයන් පිළිබදවද දැනුවත් වෙන්න පුළුවන්.

සැළසුමක් කළ ගැබ් ගැනීමකට පෙර සැළකිලිම්වය යුතු කරුණු

පෝෂණය

ආහාර වේලට යකඩ කැල්සියම් සහ විටමින් වර්ග බහුල පළතුරු, පළා වර්ග, එළවලු, කිරි වැනි දේ වැඩියෙන් එකතු කර ගන්න. අධි බර හෝ අඩු බර සහිත ස්ත්‍රීන්ට ගර්භණී කාලයේදී සංකූලතා ඇති වීමට වැඩි අවධානමක් පවතිනවා. පෝෂණය සම්බන්ධ සෞඛ්‍යය ගැටළු සහිත ස්ත්‍රීන්ට ඒ සම්බන්ධ වෛද්‍යවරයකු මුණගැසී උපදෙස් ලබා ගග හැකියි.

ව්‍යායාම

ශාරීරික ව්‍යායාම සෞඛ්‍යයමත් ගැබ් ගැනීමකට උදව්වක් වනවා. දිනපතා ව්‍යායාමවල නිරත වෙන ස්ත්‍රීන් එය වෙනස් කළ යුතු නැහැ.

ෆෝලික් අම්ලය

ගැබ් ගැනීමක් සැලසුම් කරන කාලයේදීම ෆෝලික් අම්ලය ලබා ගැනීම ආරම්භ කළ හැකියි. ගර්භණී කාලය තුළ දිනපතා ෆෝලික් අම්ලය මයික්‍රෝ ග්‍රෑම් 400ක් ලබා ගත යුතුයි.

දුම් පානය

ගර්භණීකාලයේදී දුම් පානය (සක්‍රීය හෝ අක්‍රීය) නිසා ගබ්සා සහ මළදරු උපත් ඇතුළු බරපළත සෞඛ්‍යය ගැටළු ඇති වීමට ඉඩ තිබෙනවා.

මත් පැන්

ගර්භණීකාලයේදී අධික ලෙස මත් පැන් පානය කිරීමෙන් කළල සංකූලතා ඇති වීමට මෙන්ම දරුවාගේ හැසිරීම් සම්බන්ධ ගැටළුද ඇති වීමට ඉඩ තිබෙනවා.

නිදන්ගත රෝග

ඔබට දියවැඩියාව, අධික රුධිර පීඩනය, එපිලෙප්සි, වැනි රෝග තත්ත්ව තිබෙනවානම්, ඔබේ සායනට ගොස් ඒ සදහා අවශ්‍ය ප්‍රතිකාර ලබා ගන්න. ඇතැම් විට, සාමාන්‍යයෙන් ගබා ගන්නා ඖෂධ ගර්භණී කාලයට සුදුසු නොවන්නට පුළුවන්. ඒ නිසා,ගැබ් ගැනීමක් සැළසුම් කරන විට ඔබේ ඖෂධ විලක්ප ගැන වොද්‍යවරයෙකු සමග සාකචිඡා කරන්න.

ආසාදන

පැපොල සදහා ඇති නිවාරණ එන්නත ගර්භණී කාලයේදී ලබා දෙන්නේ නැහැ. ඒ නිසා, එය ලබා ගැනීමට අවශ්‍ය නම් ගැබ් ගැනීමට මාස තුනකට ෙපර ලබා ගත යුතු වෙනවා.

රැබෙල්ලා එන්නත පාසලේදී ලබා ගෙන නොමැති නම් ගැබ් ගැනීමට මාස තුනකට පෙර එම එන්නත ලබා ගත යුතුයි.

වයස

අවුරුදු 35ට වැඩි ස්ත්‍රීන් අතර ඩවුන් සින්ඩ්‍රෝමය සහිත දරුවන් ඉපදීමේ වැඩි අවධානමක් පවතිනවා. එමෙන්ම, ගබ්සාවීම,ගර්භණී සමයේ අධික රුධිර පීඩනය සහ දියවැඩියාව ඇතිවීමේ අවධානම වයස සමග ඉහළ යනවා.

මානසික යහපැවැත්ම

දරුවෙකු ඇති දැඩි කිරීම සඳහා මානසිකව ශක්තිමත් වීම ඉතා වැදගත්. මානසික අවපීඩනය හෝ කාංසාව වැනි මානසික සෞඛ්‍ය තත්වයන් සඳහා ප්‍රතිකාර ලබා ගන්න. ඒ වගේම ඔබේ සහකරු සමඟ මානසික සූදානම ගැන සාකච්ඡා කරන්න වෙනවා.

පාරිසරික සහ සේවා ස්ථානයේ ආරක්ෂාව

හානිකර රසායනික ද්රව්ය, විෂ ද්රව්ය සහ විකිරණවලට නිරාවරණය වීම අවම කරන්න.

මූල්‍ය හා සමාජ සැලසුම්කරණය

මාතෘ නිවාඩු, දරුවාගේ වියදම් සහ අනෙකුත් මූල්ය වගකීම් සඳහා සැලසුම් කරන්න. ඔබේ දරුවා හදාවඩා ගැනීමට බලපොරොත්තු වන ආකාරය පිලිබද සහ සහ වගකීම් ඔබේ සහකරු සමඟ සාකච්ඡා කරන්න.

ඔබට මේ පාඩම ගැන අවබෝධයක් ඇති බව හැඟෙන්නේද?

ඔබට සහ ඔබේ මිතුරන්ට ඔබේ දැනුම පරීක්ෂා කර බලන්න අභියෝග කරගන්න. ප්‍රශ්නාවලියට පිළිතුරු සපයන්න.

S O S

ගැටලුවක්ද?

උදව් කරන අය සොයා ගන්න.

මෙම ප්‍රතිසන්ධිරෝධක උපකරණ නොමිලේ, ප්‍රජා රෝහල් සහ සෞඛ්‍ය මධ්‍යස්ථාන මඟින් පහසුවෙන් ලබා ගතහැක.පවුල්වලට මේ පිලිබඳ දැනගැනීමට වෛද්‍යවරුන් සහ හෙදියන් සම්බන්ධ කරගත හැක.

1983 : කාන්තාවන්ට එරෙහි ප්‍රචණ්ඩත්වය අවසන් කිරීමට, හෙල්ප්ලයින් අංකය නොමිලේ අමතන්න.

1983 (අපගේ ක්ෂණික ඇමතුම් අංකය)

වෙනත් කියවීම්