පොදුවේ අප කාටත් බලපාන පිළිකා, ලිංගකව සම්ප්‍රේෂණය වන ආසාදන ආදිය හැරුණු විට, සංක්‍රාන්ති ක්‍රියාවලියේදී සැලකිළිමත් විය යුතු, ලිංගික හා ප්‍රජනන සෞඛ්‍යය හා සම්බන්ධ කරුණු මෙහි ඇතුළත් වනවා.

හෝමෝන ප්‍රතිකාර ලබා ගැනීම

හෝමෝ ප්‍රතිකාර ලබා ගැනීමේදී වෛද්‍ය උපදෙස් පිළිපැදීම ඉතාම වැදගත්. වෛද්‍ය නිර්දේශ්‍යක් නැතිව හෝමෝන ලබා ගැනීමෙන් රුධිරය කැටි ගැසීම (Blood clots), අධික රුධිර පීඩනය, අක්මාවේ රෝග සහ තවත් බරපතල සංකූලතා ඇති විය හැකියි. වෛද්‍ය උපදෙස් ලබා ගැනීමේදී නිවාැදි මාත්‍රාව, එන්නත් නිවැරදිව ලබා ගන්නා ආකාරය ආදිය ගැන ඉගෙන ගැනීමට පුළුවන්.

එන්නත් මගින් හෝමෝන ලබා ගන්නා විට, එය නිවැරදි සනීපාරක්ෂාවක් නැමතිව සිදු කලහොත්, එච්අයිවී, හෙපටයිටීස් සහ වෙනත් එවැනි ආසාදන බෝ වීමට අවස්ථාව තිබෙනවා.

ශරීරයේ වෙනස්කම් සිදු කිරීම

තමන්ට දැනෙන සමාජභාවී අනන්‍යතාවය අනුව කම්මුල්, තොල්, පියයුරු ආදිය වෙනස් කර ගැනීමට අවශ්‍ය නම් ඒවා සුදුසුකම් ලත් පළපුරුදු සේවා සාපයන්නෙගෙන් ලබා ගත යුුතු වෙනවා. උදාරණයක් ලෙස, අවයව විශාල කර ගැනීම සදහා සිලිකන් එන්නත් කර ගැනීම බෙහෝ දෙනෙක් සිදු කරනවා. නමුත්, වෛද්‍ය නිර්දේශයක් සහ මැදිහත්වීමකින් තොරව සිලිකන් ශරීරයට ඇතුළු කිරීමෙන් පසු ආසාද්මිකතා ඇති වීමට ඉඩ තිබෙනවා. මේ ආසාද්මිකතා මාරාන්තික වීමට පුළුවන්.

ලිංගික අවයව වෙනස්කිරීමේ ශෛල්‍යකර්ම

ඇතැම් සංක්‍රාන්ති පුද්ගලයන් තමන්ගේ සමාජභාවී අනන්‍යතාවයට අනුව ලිංගික අවයව වෙනස් කර ගන්නා අවස්ථා තිබනවා. සෑම සංක්‍රාන්ති පුද්ගලයෙකුම එවැනි ශෛල්‍යකරුම් වලට යොමු වන්නේ නැහැ. මුදල් නොමැති කම, සහකරු/සහකාරියගේ අකමැත්ත, තමන්ගේ අකමැත්ත, ශෛල්‍යකර්ම සදහා ඇති බිය වැනි බෙහෝ හේතු එයට බලපානවා.

ලිංගික අවයව වෙනස් කරන ශෛල්‍යකර්ම සදහා යොමු වනවා නම්, සුදුසුකම් ලත්, පළපුරුදු සේවා සපයන්නන්ගෙන් ඒ සේවාව ලබා ගත යුතු වනවා.

වෙනත් ඕනෑම ශෛල්‍යකර්මය් මෙන් සනීපාරක්ෂාවක් නොමැතිව සිදු කළොත් මෙහිදීද ආසාදන ඇති වීමට ඉඩ තිබනවා.

එමෙන්ම, ශෛල්‍යකර්ම සදහා යොමු වීමට තමන්ගේ සැබෑ සෞඛ්‍යය තත්ත්වය සේවා සපයන්නාට දැන්වීම වැදගත්. උදාහරණයක් ලෙස දියවැඩියාව, අධික රුධිර පීඩනය වැනි සෞඛ්‍යය තත්වයන් අනිවාර්යෙන්ම හෙලිකළ යුතු වනවා.

ගැබ් ගැනීම් වළක්වන ක්‍රම

ප්‍රජනන පද්ධතිය (ගර්භාෂය, ඩිම්භ කෝෂ) ඉවත් කර නොමැති, ලිංගිකව ක්‍රියාකාරී සංක්‍රින්ති පිරිමි අයට ගැබ් ගැනීමට හැකියාව තිබෙනවා. තමාට සුදුසු ගැබ් ගැනීම වළක්වන ක්‍රමයක් භාවිත කිරීමෙන් සැළසුම් නොකළ ගැබ් ගැනීමක් වළක්වා ගන්න පුළුවන්.
ගැබ් ගැනීම් වළක්වන ක්‍රම පිළිබද කියවීමට, මේ දිගුවට යන්න.