சம்மதம் தெரிவிப்பது குறித்து இலங்கை சட்டத்தில் சரத்துக்கள் காணப்படுகின்றன. அது தண்டனைச் சட்டக்கோவையின் 365யின் கீழ்

எனினும் இந்தப்பிரிவு சம்மதம் வழங்குவதற்கான வயதை குறிப்பிடும் பகுதியல்ல. இச்சட்டம் கூறுவது 16 வயதிற்கு கீழ்ப்பட்ட ஒரு பெண் பிள்ளையுடன் பாலியல் உறவில் ஈடுபடுவது “சட்டத்தின் படி பாலியல் வன்புணர்வு” அந்த பெண் பிள்ளை சம்மதம் வழங்கினாரா இல்லையா என்பது கருத்தில் கொள்ளப்படுவதில்லை, அது சட்டத்தின் முன் ஒரு தண்டனைக்குரிய குற்றம்.

‘சம்மதம் தெரிவிப்பதற்கான வயது’ என்பது, பாலியல் உறவில் ஈடுபட தெரிந்த மற்றும் விரும்பிய சம்மதம் வழங்கக்கூடிய ஆற்றல் உள்ள வயது என அர்த்தப்படுகின்றது.

இது ஒரு சட்ட விளக்கம் மட்டுமே, எனினும் இது பாலியல் உறவில் ஈடுபட தேவையான விழுமிய, உணர்வு ரீதியான மற்றும் உளவியல் ரீதியான ஆயத்தத்தை உள்ளடக்குகின்றதா என்பதை கருத்தில் கொள்ள வேண்டும்.

சம்மதம் தெரிவிக்கும் வயது தொடர்பான சட்டங்கள், சிறுவர் துஷ்பிரயோகத்தில் இருந்து பிள்ளைகளை பாதுகாக்க ஏற்படுத்தப் பட்டுள்ளன.

எனினும் எந்தவொரு பாலியல் உறவும் வெளிப்படையான கலந்துரையாடல் மற்றும் பரஸ்பர நம்பிக்கையை அடிப்படையாக கொண்டு அமைய வேண்டும்.

ஆண் பிள்ளைகளுக்கு சம்மதம் தெரிவிக்கும் வயதெல்லை குறிப்பிடப்படாதது சட்டத்தில் காணப்படும் ஒரு குறையாக அமைகின்றது.

கணவன்-மனைவி இடையேயான சம்மதமற்ற பாலியல் உறவுகள் இந்த சட்டத்தின் கீழ் சேர்க்கப்படவில்லை. அதாவது மனைவியின் சம்மதம் இல்லாமல் கூட கணவன் அவரை பாலியல் உறவில் ஈடுபட கட்டாயப்படுத்தலாம். இது நியாயமா என சிந்தியுங்கள்.

நான் எனது துணையுடன் சம்மதம் குறித்து எவ்வாறு கலந்துரையாடலாம்?

உங்கள் துணையுடன் சம்மதம் குறித்து கலந்துரையாடுவது ஆரோக்கியமான உறவை கட்டியெழுப்ப தேவைப்படும் ஒரு முக்கியமான விடையமாகும். ஒருவர் மற்றவரின் எல்லைகள் மற்றும் விருப்பங்கள் குறித்து புரிந்துகொள்ள சம்மதம் குறித்த கலந்துரையாடல் அவசியமாகின்றது.

உங்கள் எல்லைகள் தொடர்பில் வெளிப்படையான கலந்துரையாடலை மேற்கொள்ளுங்கள். இதற்கு நீங்கள் வெளிப்படையாக மற்றும் இடையூறின்றி கதைக்க பொருத்தமானதொரு நேரத்தையும் இடத்தையும் தெரிவு செய்யுங்கள். இது நேரடியான கலந்துரையாடலாகவோ, அல்லது ஒரு இலத்திரனியல் ஊடகத்தின் மூலம் செய்யப்படும் கலந்துரையாடலாகவோ இருக்கலாம். எந்த முறையிலேனும் நீங்கள் பாலியல் உறவில் ஈடுபடுமுன் இந்த கலந்துரையாடலை செய்யுங்கள்.

ஏனெனில் நாம் பாலியல் ரீதியாக தூண்டப்பட்டுள்ள நேரத்தில் இவ்வாறான கலந்துரையாடல்களை மேற்கொள்வது கடினம். பாலியல் உறவில் ஈடுபடுமுன் சம்மதத்தை பெற்றுக்கொள்வது அவசியம். எனினும் உங்கள் எல்லைகள், விருப்பங்கள் குறித்து முன்கூட்டியே திறந்த கலந்துரையாடலை மேற்கொண்டால், பாலியல் உறவு மேலும் இன்பமானதாகவும் திருப்திகரமானதாகவும் அமையும்.

சம்மதம் தொடர்ச்சியானதொரு கலந்துரையாடல் என்பதை நினைவில் கொள்ளவும். உறவில் உள்ள இருவருக்கும் பாதுகாப்பான மற்றும் கௌரவமான சூழலை உருவாக்குவது இதன் இலக்காக அமைகின்றது. அது போலவே சம்மதத்தை எந்தவொரு நேரத்திலும் மீளப்பெற்றுக்கொள்ள முடியும். பாலியல் உறவில் ஈடுபடும் போது கூட போதும் நிறுத்துங்கள், வேண்டாம் போன்ற வார்த்தைகளை தெளிவாக கூறுவதன் மூலம் சம்மதத்தை மீளப்பெற்றுக்கொள்ளலாம்.

ஏதேனுமொரு நேரத்தில் உங்கள் சம்மதம் மீறப்பட்டால் நீங்கள் செய்யக்கூடியது.

உங்கள் பாதுகாப்பை முன்னுரிமைப்படுத்துங்கள்

நீங்கள் பாதுகாப்பின்றி அல்லது அசௌகரியமாக உணர்ந்தால் கூடிய விரைவில் அந்த இடத்திலிருந்து அல்லது சூழ்நிலையிலிருந்து வெளியேறுங்கள்.

தெளிவாக தொடர்பாடல் செய்யுங்கள்

உங்கள் பாதுகாப்பு மற்றும் சௌகரியத்தை உறுதி செய்த பின், உங்கள் சம்மதத்தை மீறிய நபரிடம் உங்கள் உணர்வுகள் குறித்து தெளிவாக கூறுங்கள். உங்கள் அசௌகரியத்தை வெளிப்படுத்தி, உங்கள் எல்லைகளை அவர் மதிக்கவில்லை என்பதை உறுதியாக கூறுங்கள்.

உதவியை நடுங்கள்

சூழ்நிலை குறித்து கதைத்து உதவியை பெற்றுக்கொள்ள, நம்பிக்கையானதொரு நண்பர், உறவினர் அல்லது ஆலோசரை நாடுங்கள். குறிப்பாக இது தொடர்பில் நீங்கள் தொடர்ச்சியான மனஉளைச்சலுக்கு முகம் கொடுத்தால் ஒரு உளவள ஆலோசகரின் அல்லது மனநல நிபுணரின் உதவியை நாடி அவர்களுடன் கலந்துரையாடுவது குறித்து சிந்தியுங்கள். இவ்வாறான நேரங்களில் உங்களுக்கு ஆறுதல் மற்றும் உதவி வழங்கக்கூடிய நட்பு வட்டாரங்களை அமைத்துக்கொள்ள முயற்சியுங்கள்.

அரிகாரிகளிடம் முறைப்பாடு செய்யுங்கள்

சம்மதம் மீறப்பட்டது, சட்ட விரோத செயற்பாட்டுடன் தொடர்புபட்டிருப்பின் அல்லது மிரட்டல் போன்றவற்றிற்கு ஆளானால், பொறுப்பான அதிகாரிகளிடம் முறைப்பாடு செய்வது குறித்து சிந்தியுங்கள்.

வைத்திய உதவியை நாடுங்கள்

பாலியல் வன்புணர்விற்கு உள்ளானால் உடனடியாக மருத்துவ உதவியை நாடுங்கள். ஒரு எதிர்பாராத கர்ப்பம் ஏற்படும் வாய்ப்பு காணப்பட்டால், அவசர கருத்தடை மாத்திரைகளை அருந்துங்கள். பாலியல் தொற்றுக்கள் ஏற்பட்டுள்ளதா என பரிசோதித்து தேவையேற்படின் சிகிச்சை பெற்றுக்கொள்ளுங்கள்.

சம்பவத்தை ஆவணப்படுத்துங்கள்

தேவைப்பட்டால் திகதி, நேரம், இடம் மற்றும் தொடர்புடைய தொடர்பாடல், சம்மதம் மீறப்பட்ட விதம் போன்றவற்றை விரிவாகவும் தெளிவாகவும் எழுதி வையுங்கள். இவை உங்களுக்கு பிரயோஜனமாக அமையும்.

சட்ட நடவடிக்கை எடுப்பது குறித்து சிந்தியுங்கள்: சம்பவத்தின் தீவிரத்தன்மையை பொறுத்து இலங்கை பொலிஸ்யின் சிறுவர் மற்றும் பெண்கள் பணியகத்தை தொடர்பு கொண்டு ஆலோசனை பெற்றுக்கொள்ளுங்கள்.